Lucie Toledo é unha investigadora privada que debe atopar a Valentine, unha adolescente recentemente desaparecida. Na súa misión acompáñaa outra detective alcumada A Hiena, unha muller carismática e desapiadada que segue métodos de investigación pouco ortodoxos. Ambas se embarcan nunha viaxe de París a Barcelona no que se cruzarán polo camiño con personaxes de todo tipo: okupas, extremistas de dereita, burgueses, monxas… Todos eles conformarán un mosaico defectuoso pero moi humano que lles dará as pistas para achar a Valentine, quen, á súa vez, fuxiu para emprender a súa propia procura. Despentes narra unha historia que navega entre o noir e a road novel para debuxar un satírico retrato social que desemboca nun final inesperado e delirante.