As oito mulleres que protagonizan estes relatos teñen idades moi dispares, pero todas enfróntanse a grandes desafíos: o machismo que as cerca a diario, a familia que as silencia, o medio laboral que as discrimina, algunhas amizades inconsistentes ou o imparable paso do tempo. No transfondo de cada unha destas historias axexa a idea de que calquera delas poida ser intercambiable por outra, aniquilando así toda forma de individualidade feminina e converténdoas a todas nunha anónima señorita Kim, o apelido máis común do país: un personaxe pantasmagórico e omnipresente que carga con todas as inxustizas que pesan sobre as mulleres na sociedade contemporánea. Esboza un fresco feminista de Corea do Sur a través da prosa maxistral e afiada de Cho Nam-joo, a quen a crítica considera xa un referente da loita das mulleres e a voz máis importante que xurdiu en Asia nos últimos anos.