1. William Somerset Maugham / Indochina.- 2. Joseph Conrad / Borneo.- 3. Rudyard Kipling / India.- 4. Geroge Orwell / Birmania.- 5. Alexandra David-Néel / Tíbet.- 6. Martha Gellhorn / China.- 7. Graham Greene / Vietnam.- 8. Manu Leguineche / Filipinas.- 9. Nicolas Bouvier / Japón.- 10. Tiziano Terzani / Tailanda.

Rudyard Kipling atopou a perdición nos bordeis da India colonial; Conrad descubriu en Borneo un destino feito para os «homes sen entrañas» e Graham Greene quedou atrapado entre nubes de opio na decadencia de Saigón.
David Jiménez segue as pegadas de escritores lendarios que quedaron enfeitizados pola maxia de Oriente, percorre os escenarios dos seus libros e embárcase nunha odisea para resolver o gran misterio. Cal é o segredo que empuxou a viaxeiros, exploradores e escritores ata o Leste desde tempos de Marco Polo?
O autor penetra na Birmania que George Orwell viviu como policía imperial; a China onde a mítica reporteira Martha Gellhorn sufriu a súa «viaxe ao inferno» en compañía de Hemingway; ou a Filipinas disparatada que describiu Manu Leguineche.
Míticos hoteis de guerra, illas remotas, mundos perdidos e personaxes fascinantes protagonizan un percorrido no que Jiménez descóbrenos o que permanece —e o que esvaeceu— do Asia que inspirou ás figuras da literatura. O resultado é unha aventura a través dun continente en ebulición, unha travesía polo máis profundo da natureza humana e unha procura, trepidante e obsesiva, do elusivo misterio oriental.